Questions For The Bakunawa
I saw you in the pages—
crumpled, your figure contained inside a cross
and your crisscrossing crown
by your head wherever it lies.
They said you devour the moon,
and that every year you return
to demand that magnificent radiance
which saves the heavens from darkness.
Your head and your tail
decide the seasons,
the multiplicity
of our fate.
And still, my questions:
Bakunawa, my friend, what is there in the light
that you consume it time and time again?
What force forged you
that you can easily entwine
malice with the face of goodness?
My friend, I want your answer
and your explanation
to those of us who witnessed up above us
the disappearance of the light.
At night, we wait again
as the moon gets ready
to avenge
her endless demise.
If Poetry Was Born At The Foot Of The Mountains
If poetry was born at the foot of the mountains
would I be able to unravel the riddle that it carved
on dead stones and on withered branches
beside the well so as to drink from the cold spring of its heart?
Or maybe I would run to fetch the healer
to cut its umbilical cord and the placenta
that connect it to the source and nurturer of life,
just as the sun sparks life in the elements of the world.
Would poetry appreciate it if I sung it lullabies
or is it maybe waiting
for the greetings of
crickets and cicadas that, when it first spoke,
narrated their life in the dense forest?
If poetry was born at the foot of mountains
what would it have to do first?
Plant seeds in the fields,
or make love with the moon high above?
Pagpakigsugilanon Sa Bakunawa
Nakita ko ikaw sa mga pinanid sang papel -
ang imo dagway nga nasulod sa lukot nga krus
kag ang imo korona nga nagabulubaliskad,
nagaupod sa kon din ka mag-ayon.
Ang siling nila, ginakaon mo ang bulan,
sa tagsa ka tuig, nagabalik ka
agud sukton ang kalangitan sang maanyag
nga dagway sang kasanag sa kagab-ihon.
Ang imo ulo kag ikog
nga nagatugda sang panahon
sang nanuhay-tuhay nga buas-damlag
sang amon ti-on.
Ang akon lamang mga palamangkutanon,
Bakunawa, abyan, ano ang may-ara sa kasanag
kag sulit-sulit mo ini nga ginapalong?
Ginpasad ka bala sa kusog
kag mahimo mo nga isabod
ang dagway sing kaayo sa kalaot?
Abyan, luyag ko mahibaluan ang imo sabat
ang imo pagpaathag,
sa amon nga nagatangla
sa pagkadula sang kasanag.
Sa kagab-ihon, hulaton namon
ang pagpakigsumpong sang bulan
nga magatimalos
sa iya walay katapusan nga kamatayon.
Kon Ang Binalaybay Ginbun-Ag Sa Tiilan Sang Kabukiran
Kon ang binalaybay ang ginbun-ag sa tiilan sang kabukiran
mahimo ko ayhan badbadon ang paktakon nga iya ginpagkit
sa patay nga bato kag laya nga sanga sa kilid sang bubon
agud makainom sa matugnaw nga tuburan sang iya kasingkasing?
Ukon basi magadalagan ako agud sugaton ang surhana
nga maga-utod sang iya pusod nga nagatabid
sa nagapasad kag nagabatiti sang kabuhi,
kaangay sang adlaw nga nagabuhi sa kaunuran sang kalibutan.
Luyag sini ayhan nga akon ambahan sang ili-ili
ukon basi ginakalangkagan niya ang sirumsirum
kag kikik, nga magtamyaw sa iya nahauna nga pagtingug,
kag magbantala sang kabuhi sa masi-ot nga katalunan?
Kon ang binalaybay ang ginbun-ag sa tilan sang kabukiran
ano ayhan ang una sini nga katungdanan?
ang magpanggas sang binhi sa kapatagan,
ukon ang makighilawas sa mataas nga bulan?